श्री तुकाराम दादा पाटील
काव्यानंद
☆ तुका म्हणे… ☆ रसग्रहण – प्रा तुकाराम दादा पाटील ☆
☆ तुका म्हणे ☆
बळे बाह्यत्कारे संपादिले सोंग /
नाही झाला त्याग अंरीचा//१//
*
ऐसे येते नित्य माझ्या अनुभवा /
मनासी हा नवा समाचार//२//
*
जागृतीचा नाही अनुभव स्वप्नी/
जातो विसरूनी सकळही//३//
*
प्रपंच्या बाहेरी नाही आले चित्त /
केले करी नित्य वेवसाव //४//
*
तुका म्हणे मज बहुरुप्याचेपरी /
जाले सोंग आता तैसे //५//
– संत तुकाराम.
*
रसास्वाद:
उसने अवसान आणून बाहेरून रूप बदलले. पण मनाकडून मनातली कुठलीच बाब त्यागली गेली नाही. हा मला आलेला नेहमीचा अनुभव आहे. माझ्या मनाला काही जागृती आली आहे हे माझ्या स्वप्नात ही येत नाही. मी सगळेच सोईस्करपणे विसरून जातो. माझ्या संसारात रमलेले माझे मन संसारातून, प्रपंचातून कधीच बाहेर निघत नाही. ते नेहमीच मी चालवलेल्या व्यवसायात गुंतून पडते, तेथेच रमते. पण मी जगाला दाखवण्यासाठी चांगुलपणाचे छानसे सोंग मात्र घेतलेले आहे.
तुकाराम महाराज म्हणतात त्यामुळे माझी स्थिती वरून किर्तन आतून तमाशा अशी झाली आहे.
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
