सुश्री प्रभा सोनवणे
कवितेच्या प्रदेशात # २९१
☆ आयुष्य… ☆ सुश्री प्रभा सोनवणे ☆
☆
खूप सुंदरच म्हणायला हवं,
हे आयुष्य,
सुख – दुःख सावली सारखं,
येतं – जातं!
आपण येऊन पोहोचतो,
अशा ठिकाणी—
जिथे सारे रिपू निघून जातात!
आपण शुध्द होऊन,
फक्त सात्विकताच स्वीकारतो!
निर्मम होऊन,
चालत राहतो अखेर पर्यंत,
परतीच्या प्रवासात!!!
☆
© प्रभा सोनवणे
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- sonawane.prabha@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
प्रभाताई छान कविता!