प्रभा सोनवणे
कवितेच्या प्रदेशात # ३३३
☆ पितृपक्ष… ☆ प्रभा सोनवणे ☆
☆
पूर्वी रोज यायचा कावळा —
न चुकता,
तुम्ही असताना …
आणि तुम्हीही,
अंड्यातला पिवळा बलक —
देऊन टाकायचे दररोज त्याला !
तो यायचाच,
काव काव करत… नाष्ट्यासाठी!!
पण तुम्ही गेल्यापासून,
कावळा येत नाही दारात!
त्यालाही कळलं असावं,
आपला अन्नदाता–
निघून गेल्याचं !
आता पितृपक्षातही येत नाही तो
दहीभाताची उंडी खायला!
कावळा तृप्त झालाय… की,
तुम्हाला मोक्ष मिळालाय?
सारे अनाकलनीय!
मला तरी !
☆
© प्रभा सोनवणे
६ ऑक्टोबर २०२६
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- sonawane.prabha@gmail.com
≈संस्थापक संपादक – श्री हेमन्त बावनकर/सम्पादक मंडळ (मराठी) – उज्ज्वला केळकर/श्री सुहास रघुनाथ पंडित / मंजुषा मुळे/ गौरी गाडेकर≈
