श्री कमलाकर नाईक
वाचताना वेचलेले
☆ “देवांचा व्हाट्सअप ग्रुप …” – कवी : अज्ञात ☆ प्रस्तुती – श्री कमलाकर नाईक ☆
☆
देवसुद्धा कंटाळले
सारखा ऐकून जप
ठरवलं मग त्यांनी
करु सुरू व्हाॅटस अप
*
मनात करून विचार नारदांनी
मारली ब्रह्मदेवांना Pin
म्हणाले महाराज,
आपणच व्हा ना Group Admin
*
खूप करून विचार
दिली ब्रह्मदेवांनी संमती
मग Netpack आणि Wi-Fi संगे
आली Smartphones ना गती
*
सर्व देवांना Add करुन
रात्री ब्रम्हदेवांनी गाठली शेज
सकाळी आला गणरायाचा
पहिला Good Morningचा मेसेज
*
पण नेमकी त्यावेळी
कैलासावर नव्हती Range
तिन्हीसांजेला मिळाला
कैलासपतींना तो GM चा Message
*
क्रोधित होऊन त्यांनी,
पुत्राला केले Connect
कोपलेल्या महादेवांनी
नंतर ग्रुपच केला Left
*
सरस्वतीदेवींनी पाठवले
ज्ञानाचे Message
तर अप्सरांनी केल्या
Beauty Tips पेश
*
धनप्राप्तीसाठी लक्ष्मी-नारायणांनी
लिहीले अनुभवाचे बोल
तर गुरुदेव दत्तांनी लिहीले
शांती व वैराग्याचे मोल
*
गोपाळकृष्णांनी केले
Photo Upload
पण प्रभू रामचंद्रांची एक पत्नी व्रताचीच
कविता ठरली तोडीस तोड
*
आई अन्नपूर्णेने ग्रुपवर
टाकल्या छान छान पाककृती
तर धन्वंतरी म्हणाले
सगळं खा पण जपा आपली प्रकृती
*
मारुतीरायांनी लिहिला लेख
योगा आणि Gym चे फायदे
संतप्त दुर्गादेवी म्हणाल्या
पाळा सर्व नियम आणि कायदे
*
यमराजांनीसुद्धा रेडा सोडून,
फोटोसाठी मागितली Bike
तर पंढरीच्या विठ्ठल रखुमाईंच्या
फोटोला आले प्रचंड Like
*
Whats Appच्या या खेळात,
देव पुरते झाले दंग
पण धरतीवरची सारीच,
यंत्रणा झाली की हो भंग
*
माणसाच्या कर्तृत्वाला
नव्हते देवांचे आशीर्वाद
होऊ लागले त्यांच्यात
तंटे, बखेडे, वितंडवाद
*
मग मात्र नारदमुनींचे
धाबे पुरते दणाणले
ब्रम्हदेवांना ते परत
एकदा शरण गेले
*
म्हणाले देवा, Group च
सारा करा Delete
सगळ्याच देवांना
याचा आला आहे वीट
*
माणसांनाच करू द्या
त्यांचे हे रोजचे काम
आपण फक्त देऊ आशीर्वाद
ऐकूनी आपुले नाम
☆
कवी: अज्ञात
प्रस्तुती : श्री कमलाकर नाईक
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
