श्रीमती उज्ज्वला केळकर
वाचताना वेचलेले
☆ “वारी एका शिक्षकाची…” कवी – अज्ञात ☆ प्रस्तुति – सौ. उज्ज्वला केळकर ☆
☆
नाही पंढरीशी जाणे, नाही केली कधी वारी।
माझी कर्मभूमी हीच, माझी रोजची पंढरी ॥
*
माझा खडू-फळा माझे, टाळ, विणा नि मृदूंग।
फुले ज्ञानाची घेवून, रोज रंगतो अभंग ॥
*
मन मोकळे कराया, जेव्हा येतात लेकरं ।
त्यांच्या डोळ्यातलं पाणी, माझं चंद्रभागा तीर ॥
*
त्यांचे दुःख निवारून, देतो दान आनंदाचे ।
काही वेगळे आहे का, पूण्य देव दर्शनाचे ॥
*
ज्ञानदानाचे हे व्रत, हीच माझी एकादशी।
माझ्या लेकरांचे यश, माझे प्रयाग नि काशी ॥
*
जेव्हा येतात लेकरं सुख-दुःख वाटायला ।
त्यांच्या रूपाने विठ्ठल, रोज येतो भेटायला ॥
*
राम कृष्ण हरी!!!!!
कवी : अज्ञात
प्रस्तुती: सौ. उज्ज्वला केळकर
संपर्क – निलगिरी, सी-५ , बिल्डिंग नं २९, ०-३ सेक्टर – ५, सी. बी. डी. – नवी मुंबई , पिन – ४००६१४ महाराष्ट्र
मो. 836 925 2454, email-id – kelkar1234@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
