मराठी साहित्य – वाचताना वेचलेले ☆ DJ तर वाजलाच पाहिजे – लेखक : अज्ञात ☆ प्रस्तुती – श्री अमोल अनंत केळकर ☆

श्री अमोल अनंत केळकर

 वाचताना वेचलेले 

☆ DJ तर वाजलाच पाहिजे – लेखक : अज्ञात  ☆ प्रस्तुती – श्री अमोल अनंत केळकर ☆ ☆

☆

विसर्जन मिरवणुकीत बाप्पा चार दिवस ताटकळत बसला तरी चालेल,

पण DJ वाजला पाहिजे

स्पीकरच्या भिंतीआड बाप्पा कुठेतरी कोपऱ्यात दिसेनासा झाला तरी चालेल,

पण DJ वाजला पाहिजे

बावळट भाविकांना हात जोडण्यासाठी बाप्पाचं दर्शन होण्या आधी DJ चं नाव वाचता वाचता लेझर लाईटने डोळे फुटले तरी चालेल,

पण DJ वाजला पाहिजे

लोकांचे कान फुटले तरी चालतील, नाचताना रील बनवण्यासाठी हजारो लाखो जण येऊन चेंगराचेंगरी झाली तरी चालेल,

पण DJ वाजला पाहिजे

दारू पिऊन गुटखा आणि ड्रग्ज खाऊन शिवीगाळ करत आई माई काढत मिरवणुकीत पोरं नाचली पाहिजेत,

त्यासाठी DJ वाजला पाहिजे,

बाकी मूर्ख नागरिकांना इलेक्शनला हीच पोरं पैसे वाटायला आणि बाकी कामांना मदत करतील,

 मग त्यांच्यासाठी हा DJ वाजला पाहिजे

बिचाऱ्या महिला- पुरुष पोलीस बांधवांचे ब्लडप्रेशर वाढू देत नाहीतर त्यांच्या पायांचे, कंबरेचे तुकडे पडू देत, त्यांना झोप, आराम मिळाली नाही तरी चालेल,

पण DJ वाजला पाहिजे,

सव्वाशे दीडशे वर्षापासूनच्या चालत असलेल्या मिरवणुकीत 20-30 वर्षांपासून सुरू झालेल्या DJ संस्कृतीचा आदर आणि मान राखायला पाहिजे

आणि DJ वाजला पाहिजे,

दहा पंधरा लाख वोटिंगमधले शे दीडशे बहिरे झाले, हार्टफेलनी मेले तरी काय फरक नाही पडत,

म्हणून किमान, सोळा बेस सोळा टॉपचा फुल्ल मिड लावलेला, पाच पन्नास हजार वॅटच्या शे दीडशेच्या लेझर लाईटवाला

DJ तर वाजलाच पाहिजे

 ☆

लेखक: अज्ञात

प्रस्तुती : अमोल केळकर

बेलापूर, नवी मुंबई, मो ९८१९८३०७७९

poetrymazi.blogspot.in, 

kelkaramol.blogspot.com