श्री मिलिंद जांबोटकर
📖 वाचताना वेचलेले 📖
☆ अभियंत्यांचं कवी संमेलन.. – कवी : अज्ञात ☆ प्रस्तुती : श्री मिलिंद जांबोटकर ☆
☆
अभियंता दिन होता,
सभागृह छान सजलं होतं,
फलकावर मोठ्या अक्षरांत—
“अभियंता कविता संमेलन”
असं लिहिलं होतं!
माईक तपासला इलेक्ट्रिकलने,
स्टेज मोजलं सिव्हिलने,
प्रोजेक्टर जोडला इलेक्ट्रॉनिक्सने,
आणि कार्यक्रमाचं वेळापत्रक
मेकॅनिकलने काढलं—
Gantt Chart मध्ये!
अध्यक्ष म्हणाले,
“आज कविता ऐकायच्या आहेत,
तांत्रिक चर्चा नाही!”
सगळे हसले…
कारण समोर बसले होते
विविध शाखांचे अभियंते!
—
यांत्रिकी अभियंता
यांत्रिकी अभियंता उठला,
खाकरला, माईक सरळ केला—
“माझं मन म्हणजे इंजिन,
तुझी आठवण म्हणजे इंधन,
तू जवळ आलीस की RPM वाढतं,
दूर गेलीस की
सगळं सिस्टम बंद पडतं!”
टाळ्यांचा कडकडाट झाला.
तो म्हणाला—
“प्रेमात friction नको,
थोडं lubrication हवं,
नात्याचं maintenance
वेळेवर केलं तर
breakdown टाळता येतं!”
मागून आवाज आला—
“सर, preventive maintenance की breakdown झाल्यावर?”
☆
कवी : अज्ञात
प्रस्तुती : श्री मिलिंद जांबोटकर
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
