रमा मोडक

📖 वाचताना वेचलेले 📖

☆ ‘हासली दीपावली… – कवयित्री : ऋचा सावरकर ☆ प्रस्तुती : रमा मोडक ☆

☆

थी घालून मांडी

तू रेखिली रंगावली

हासले अंगण ही माझे

हासली दीपावली…

*

भरलेस रंग मनासारखे

शुभ्र रांगोळीत जेव्हा

हसलीस तू मनापासूनी

हासली दीपावली…

*

अंगणी,तुळशीपुढे

रांगेत पणती लाविली

वृंदावनी तुळस हासली अन

हासली दीपावली…

*

लक्ष्मीला पुजताना

मढलीस दागिन्यांनी तू

हासला देव्हाराही तेव्हा

हासली दीपावली…

*

अन्नपूर्णा होऊन तूही

रमलीस सखये माझ्या घरी

घर तृप्तीत नाहले तेव्हा

हासली दीपावली…

*

पाहिले मी तुजकडे

जणू चांदणे ही बरसले

शांती मुखावरी झळकता

हासली दीपावली…

*

लाजुनी बघता माझ्याकडे

खळी गोड ती गालावरी

मुख चंद्रमा उजळला

हासली दीपावली…

☆

कवयित्री :ऋचा सावरकर

प्रस्तुती: रमा मोडक

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares
0 0 votes
Article Rating
Subscribe
Notify of
guest

0 Comments
Oldest
Newest Most Voted