(आज प्रस्तुत है सुश्री प्रभा सोनवणे जी के साप्ताहिक स्तम्भ “कवितेच्या प्रदेशात” में उनकी अतिसुन्दर कविता “जन्म सोहळा”. आखिर नव वर्ष का शुभारम्भ किसी जन्म उत्सव से कम तो नहीं है न ?
मुझे पूर्ण विश्वास है कि आप निश्चित ही प्रत्येक बुधवार सुश्री प्रभा जी की रचना की प्रतीक्षा करते होंगे. आप प्रत्येक बुधवार को सुश्री प्रभा जी के उत्कृष्ट साहित्य का साप्ताहिक स्तम्भ – “कवितेच्या प्रदेशात” पढ़ सकते हैं।)
☆ साप्ताहिक स्तम्भ – कवितेच्या प्रदेशात # 30 ☆
☆ जन्म सोहळा ☆
वृत्त-आनंद कंद
गागाल गालगागा गागाल गालगागा
आहेत चांदण्याचे माझ्या घरी पसारे
मोहात पाडती ते शब्दातले इशारे
मी रंगले कधीची स्वप्नामधेच माझ्या
सा-या खुणा सुखाच्या आहेत नित्य ताज्या
मी वेगळीच आहे, जेव्हा मला कळाले
तेव्हाच दुःख माझे एका क्षणी जळाले
मी कोणत्या कुळाची,आले कुठून येथे
माझे मला कळेना ही वाट कोणती ते
मी मंत्रमुग्ध झाले पाहून त्या सुखाला
हातात येत गेले आकाश, मेघमाला
वर्षाव कौतुकाचा मी ओंजळीत घेता
आजन्म तृप्त झाले या सोहळ्यात आता
© प्रभा सोनवणे
“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- sonawane.prabha@gmail.com
