श्रीमति उर्मिला उद्धवराव इंगळे
(वरिष्ठ मराठी साहित्यकार श्रीमति उर्मिला उद्धवराव इंगळे जी का धार्मिक एवं आध्यात्मिक पृष्ठभूमि से संबंध रखने के कारण आपके साहित्य में धार्मिक एवं आध्यात्मिक संस्कारों की झलक देखने को मिलती है. इसके अतिरिक्त ग्राम्य परिवेश में रहते हुए पर्यावरण उनका एक महत्वपूर्ण अभिरुचि का विषय है. श्रीमती उर्मिला जी के “साप्ताहिक स्तम्भ – केल्याने होतं आहे रे ” की अगली कड़ी में आज प्रस्तुत है उनकी परिकल्पित कविता माझे स्वप्न. श्रीमती उर्मिला जी की वृक्ष होने की कल्पना अद्भुत है और सांकेतिक पर्यावरण का सन्देश भी देती है. श्रीमती उर्मिला जी को ऐसी सुन्दर कविता के लिए हार्दिक बधाई. )
☆ साप्ताहिक स्तंभ –केल्याने होतं आहे रे # 6 ☆
☆ माझे स्वप्न ☆
मला वाटते एक सुंदर झाड मी व्हावे !
कुणीतरी मातीत मला रुजवावें !
त्यावर झारीने पाणी फवारावे !
मग मी मस्त तरारावें !
मी एक सुंदर झाड मी व्हावे !!१!!
फुटावित कोवळी पाने !
कसा हिरवागार जोमाने !
दिसामाजी मी वाढतच जावें !
मी एक सुंदर झाड व्हावें !!२!!
यावीत सुंदर सुगंधी फुले !
तोडाया येतील मुलीमुलें !
होतील आनंदी मुलें !
मुली आवडीने केसात माळतील फुले !
होई आनंदी माझे जगणें !!३!
येतील मधुर देखणी फळे !
पक्षी होती गोळा सारे !
आनंदाने खातील फळे !
चिवचिवाट करतील सारे !!४!!
गाईगुरे येतील सावलीत !
बसतील रवंथ करीत !
झुळुझुळू वारे वाहतील !
चहूकडे आनंद बहरेल !!५!!
मला भेटण्या येतील वृक्षमित्र !
काढतील सुंदर छायाचित्र !
छापून देईल वर्तमानपत्र !
मग प्रसिद्धी पावेल सर्वत्र !
बहु कृतकृत्य मी व्हावे !
मी एक सुंदर झाड व्हावें !!६!!
माझ्या फळातील बीज सारे !
नेतील गावोगावी सारे !
वृक्ष लावा जगवा देतील नारे !
माझे बीज सर्वत्र अंकुरें !
माझ्या वंशाला फुटतील धुमारे !
रानी वनी आनंदाचे झरे
मी एक सुंदर वृक्ष झालो रे !
मी एक सुंदर वृक्ष झालो रे !!७!!
©® उर्मिला इंगळे, सातारा
दिनांक:-#२०-९-१९
!! श्रीकृष्णार्पणमस्तु !!
