कविराज विजय यशवंत सातपुते
कवितेचा उत्सव # 149 – विजय साहित्य
☆ देव देव्हार्यात नाही …! ☆ कविराज विजय यशवंत सातपुते ☆
पैशामधे मोजमाप
देव देव्हार्यात नाही
शोधूनीया पाही
जगतात . . . !
सेवाभाव जाणायला
हवे नात्यांचे गोकुळ
विसंवादी मूळ
देखाव्यात. . . !
देवरुप जाणायला
नररूप आधी जाण
देव्हार्याची खाण
सापडेल. . . !
अशा देव्हार्यात
देव राही जागा
ह्रदयाचा धागा
विचारात.
देवरूप शोधायला
मायबाप आधी जाणा
कैवल्याचा राणा
अंतरात. . . . !
गरजेस बघा
येतो धावून माणूस
नसे मागमूस
उपकारी.. . . !
अशा देवासाठी
मनी हवी भूक
देव्हार्याचे सुख
कश्यासाठी. . . . !
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
