सुश्री वर्षा बालगोपाल
चित्रकाव्य
☆ 
निसर्गातील रंगपंचमी… ☆ सुश्री वर्षा बालगोपाल ☆
☆
अंबर जेधवा कृष्ण होते
लीला सगळ्या तेथे दावते
अंबर रंगीत ल्याली धरा
रंग उडवित राधा होते॥
☆
अंतर दोघांचे एक होता
साद दोघांची मन ऐकते
अंतर सरते नकळत
अंतरंग प्रेमात रंगते॥
☆
रंग पिचकारी रोखलेली
कृष्णांग इंद्रधनू भासते
रंग दावी कृष्णही राधेला
तरंगात ती भान हरते॥
☆
पंचमी निसर्गाची अद्भुत
बारामाही किमया घडते
पंच मी होते अजाणताच
राधा कृष्ण तयास बोलते॥
☆
धुलवड आज निसर्गाची
वातावरण का भारावते
धूल वड सरमिसळत
धार होऊन सळसळते॥
☆
© सुश्री वर्षा बालगोपाल
9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
