कविराज विजय यशवंत सातपुते
कवितेचा उत्सव # 170 – विजय साहित्य
☆ डाॅ. बाबासाहेब आंबेडकर – संघर्ष जीवनाचा…!
☆ कविराज विजय यशवंत सातपुते ☆
☆
डाॅ. बाबासाहेब आंबेडकर
कार्यप्रवण तो संघर्ष जीवनाचा
राज्य घटना शिल्पकार हे
नाव नसे ध्यास असे जगण्याचा. . . !
रामजीचा ज्ञानसूर्य शोभला
भिमाईचा मातृभक्त लेक लाडका
राज्य घटनेचा रचयिता
दीन दलितांचा प्राण बोलका. . . !
सदैव लढले, लढत राहिले
विचार आणि कतृत्वाने
समाज बांधव उद्धाराला
सदैव तत्पर निर्धाराने.. . !
राज्य करीते मनामनावर
संघर्षांचे सचेत पाऊल
डाॅ. बाबासाहेब आंबेडकर
उत्कर्षाची मनास चाहूल. . . . !
देशोदेशी तुमचा डंका
निळ्या नभाचा मंत्र महान
शिका ,लढा नी संघटीत व्हा
उद्धारक हे बोल नव्हे वरदान.. . !
☆
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
