महंत कवी राज शास्त्री
हे शब्द अंतरीचे # 149
☆ अभंग…मंगल कारक, श्रीकृष्ण समर्थ !! ☆
☆
मंगल कारक, श्रीकृष्ण समर्थ
सर्वज्ञ सर्वार्थ, शक्तियुक्त.!!
☆
द्वापर युगीच्या, शेवट चरणी
आला मोक्षदानी, महादानी.!!
☆
कंस वधुनिया, धर्माचे स्थापन
स्वतःचे वचन, सिद्धकरी.!!
☆
उद्धव देवाला, चार कळी-केचे
दातृत्व प्रेमाचे, करी कृष्ण.!!
☆
गंध कुब्जीकेचा, चंदन स्वीकार
ऐसा उपहार, स्वीकारीला.!!
☆
अर्जुनास दावी, चतुर्भुज रूप
भव्य ते स्वरूप, चक्रधारी.!!
☆
कवी राज म्हणे, बत्तीस लक्षणी
मूर्त सुलक्षणी, मज दिसो.!!
☆
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
