महंत कवी राज शास्त्री
हे शब्द अंतरीचे # 188
☆ माझे बापण… ☆ महंत कवी राज शास्त्री ☆
(अष्टअक्षरी )
☆
माझे बालपण आता,
नाही येणार हो पुन्हा
पुन्हा रडतांना मग,
नाही फुटणार पान्हा.!!
*
नाही फुटणार पान्हा,
आई आता नाही आहे
सर्व दिसते डोळ्याला,
तरी कुठे कमी राहे.!!
*
तरी कुठे कमी राहे,
बाप सुद्धा माती-आड
बोटं धरून चालावे,
प्रेम केले जीवापाड.!!
*
प्रेम केले जीवापाड,
त्याची सय आता येते
छत हे कोसळतांना,
मज पोरके भासते.!!
*
मज पोरके भासते,
आई-बाप नसतांना
त्यांचे छत्र शीत शुद्ध,
त्यांची स्मृती लिहितांना.!!
*
त्यांची स्मृती लिहितांना,
शब्द हे अडखळती
कवी राज दुःख करी,
अशी निर्मळ ही प्रीती.!!
☆
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
