श्री आशिष बिवलकर
चित्रकाव्य
दिव्यत्व साकार तेज:पुंज !! श्री आशिष बिवलकर ☆
☆
कर्दळीवनात! झाला चमत्कार!
दिव्यत्व साकार! तेज:पुंज !! १ !!
*
चैत्र शु. द्वितीया! स्वामी आगमन !
प्रकटले तन! दर्शनासी !! २ !!
*
अक्कलकोटला! स्वामी प्रकटले !
भाग्य उमटले! उद्धारासी !! ३ !!
*
चोळप्पाच्या घरी! स्वामींचा निवास !
स्वामी सेवा ध्यास! चोळप्पासी !! ४ !!
*
दत्त अवतार! त्रिपुंड कपाळी !
रुद्राक्षाच्या माळी! दिव्यदृष्टी !!५ !!
*
भिऊ नकोस तू! मी आहे पाठीशी !
विश्वास गाठीशी! स्वामी भक्ता !! ६ !!
*
आशिष वंदितो! भक्तीने स्मरून !
नेतोय तारुन! भवसिंधू !! ७ !!
☆
© श्री आशिष बिवलकर
दि. 04 मार्च 2025
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
