संगीता कुलकर्णी
चित्रकाव्य
– स्वप्नात रंगले मी… – संगीता कुलकर्णी ☆
☆
स्वप्नात रंगले मी
तुझ्यात हरवले मी
डोळ्यांत तुझंच चित्र
मनात तुझीच ओढ
तुझ्या प्रेमाच्या रंगात रंगले मी
*
तुझ्या आठवांच्या रंगांनी
मनाच्या कोपऱ्यात सजल्या
नकळत प्रेमाच्या गंधांनी
पानाच्या कॅनव्हासवर
प्रेमाच्या ओळी रेखाटल्या
*
तुझ्या नावाच्या नाजूक रंगांनी
शब्दही हरवून बसले
तू शब्दांत नव्हतास तू
भावांत दडलेला होतास
माझ्या प्रत्येक श्वासात
अलगद मिसळलेला होतास
*
तू नसतानाही सोबत
शब्दही गाऊ लागले
मौनही बोलू लागले
तुझ्या आठवांच्या ओंजळीत
भाव सारे विसावले
*
तू नसतानाही सोबत
तुझ अस्तित्व जाणवत होतं
मनाच्या खोल कप्प्यातून
तुझ्यातच हरवत होतं
*
मीच माझ्या अंतरंगात
एक अनोखं गाणं झालं
ज्यात हरवणंही सुंदर वाटतं
आणि सापडणंही थांबतं
☆
© संगीता कुलकर्णी
लेखिका /कवयित्री
ठाणे
9870451020
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
तूचि पालनहार खरा… 
