श्री राजकुमार दत्तात्रय कवठेकर
कवितेचा उत्सव
☆ कहाणी… ☆ श्री राजकुमार कवठेकर ☆
☆
राब राबतो तरीही
कष्ट येती न फळास
फळं. फुलं न लागते
स्वप्नामधल्या वेलीस
*
घेता साधेसेच दान
अशी टरकते झोळी
हाक सुदैवाची येता
चाल दुर्देव हे खेळी
*
जरी चालतो आजन्म
कसा सरे न प्रवास
हरवलेल्या सुखांचा
लागेच ना मागमूस
*
असे आयुष्य; त्याचीही
अशी अव्यक्त कहाणी
दिसू द्यायचे न परी
कधी डोळ्यांतले पाणी
☆
© श्री राजकुमार दत्तात्रय कवठेकर
कवी / गझलकार
संपर्क : ओंकार अपार्टमेंट, डी बिल्डिंग, शनिवार पेठ, आशा टाकिज जवळ, मिरज मो ९४२११०५८१३
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
छानच!