श्री कमलाकर नाईक
वाचताना वेचलेले
☆ “निवृत्तीनंतर…” – कवी : अज्ञात ☆ प्रस्तुती – श्री कमलाकर नाईक ☆
☆
पहाटे उठावे स्वतः चहा करावा
झोप मोडेल असा आवाज नसावा
*
प्राणायाम करावा योग साधावा
हाडे मोडतील इतपत तो नसावा
*
फिरायला जावे प्रमाणात असावे
सोबत मोबाईल खिशात असावा
पडाल कोठे तर नक्की सापडाल
आंघोळीला तुमचा नंबर शेवटचा
न रागावता गोड मानून घ्यावा
*
किराणा भाजी पोस्ट बँक
फिरणे समजून आनंद घ्यावा
*
ज्येष्ठ मंडळीचा कट्टा असावा
पण त्यात कुठला वाद नसावा
मनमुराद गप्पांचा आनंद घ्यावा
*
लिहीणे वाचणे वाजवणे गाणे
एखादा तरी छंद नक्की असावा
*
मी कोणी मोठा होतो हे विसरा
मोठेपणाची झुल खुंटीवर ठेवा
मित्रमंडळी सगे सोयरे नातीगोती
लक्षात ठेवा हीच कामाला येती
*
आता काय राहलंय? म्हणू नका
कुणाला उपदेश करत सुटू नका
पर्यटन चित्रपट नाटक
राहुन गेले असेल तर उरका
पत्नीला सोबत घ्या विसरु नका
*
प्रकृती आणि पैसा येती कामा
या दोघांना सांभाळून ठेवा
*
संध्याछाया भिववती हृदया
हे विसरण्याची साधावी किमया
☆
कवी: अज्ञात
प्रस्तुती : श्री कमलाकर नाईक
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
