श्रीशैल चौगुले
कवितेचा उत्सव
☆ आत्म दिशा… ☆ श्रीशैल चौगुले ☆
☆
कधी तो स्वयं जाणताना
आधार ती प्रतिमा होते
तरी, अपरिचीत स्वतःशी
आत्मऋणी गरिमा होते.
रंग-बेरंगी कर्म छाया
सौंदर्य अंतसीमा होते
भव विरक्ती भाव छटा
बंध मनाचे कामा येते.
निर्माल्य लोचनी भविष्य
विचार मुद्रा रेषा होते
देह परिचय संपता
केवळ आत्म दिशा होते.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
