मराठी साहित्य – चित्रकाव्य ☆ आरसा… ☆ सुश्री नीलांबरी शिर्के ☆

सुश्री नीलांबरी शिर्के

  चित्रकाव्य  

आरसा …  सुश्री नीलांबरी शिर्के ☆

☆

आरसा नेहमी खरं बोलतो

असं नेहमी सारेच बोलतात

आरशाचे डोळे मागे कुठे बघतात

*
पुढचंच तेवढं आरसा दाखवतो

त्याची मर्यादा तो जाणून असतो

आपण मात्र खुळ्या कल्पनेत फसतो

*
आरसा कामापुरताच वापरावा

सत्यासत्येतेचा गुंता आपणच सोडवावा

आरसा कधीच धरू नये पुरावा – – – 

आरसा कधीच धरू नये पुरावा – – – 

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈