मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #३२२ ☆ अर्थवाही हेर… ☆ श्री अशोक श्रीपाद भांबुरे ☆

श्री अशोक श्रीपाद भांबुरे

अशोक भांबुरे जी यांची कविता अभिव्यक्ती # ३२२

☆ अर्थवाही हेर… ☆ श्री अशोक श्रीपाद भांबुरे ☆

☆

दूर शब्दांतील आता केर झाला पाहिजे

शुद्ध वाणीचाच गजले शेर झाला पाहिजे

*

सोड आता बेगडी ह्या कल्पनांना शोधणे

तू प्रभावी अर्थवाही हेर झाला पाहिजे

*

दोन ओळी मांडताना खेळ ऐसा डाव तू

सर्कशीच्या तंबुचा तो घेर झाला पाहिजे

*

काव्य तू ऐसेच कर करशील तेव्हा शायरा

ऐकताना शत्रु कायम ढेर झाला पाहिजे

*

वाहवा टाळ्या क्षणासाठी नको मिळवू इथे

भोवताली माणसांचा फेर झाला पाहिजे

*

तू जिथे जाशील तेथे गाड झेंडा कीर्तिचा

मैफिलीचा गवगवा चौफेर झाला पाहिजे

*

धार ही शब्दास यावी मांडताना येवढी

शेर साधा या इथे समशेर झाला पाहिजे

☆

 © अशोक श्रीपाद भांबुरे