मराठी साहित्य – कवितेचा उत्सव ☆ विजय साहित्य # ३०८ – सुवर्ण पान…! ☆ कविराज विजय यशवंत सातपुते ☆

☆ सुवर्ण पान…! ☆

कवितेचा उत्सव # ३०८ – विजय साहित्य

कविराज विजय यशवंत सातपुते

☆ सुवर्ण पान…! ☆ कविराज विजय यशवंत सातपुते ☆

(दशाक्षरी)

☆

जाण जगाची, हृदी ठेऊनी

रसिक धामी, रमला नाना

विश्वनाथ हा, कलासक्त हा

सच्चा माणूस, जगला नाना.

*

चित्रपटांचा, बादशाह हा

रंगभूमीचा, नटसम्राट

प्रचंड खस्ता, खात जाहला

दिगंत नाना, शब्द अचाट…!

*

अगम्य याची, संवाद कला

कथानकाची, हृदयी जागा

नाट्य, चित्र ही, प्रवास यात्रा 

माणुसकीचा, अतूट धागा..!

*

हिंदी मराठी, भाषा भगिनी

अनंत रुपी, दिसला नाना

अभिनयाची,असिम उंची

उन्नत झाल्या, रसिक माना.

*

हृदी जनांच्या,नांदत होता

परी ग्रासला, हृद्य विकार

नाना भुमिका, साकारीत हा

इहलोकीच्या, वळला पार

*

बहु आयामी , रेखाचित्र हे

आठवणींचे, सुवर्ण पान

कसे जगावे, सांगून गेला

कलागुणांचे, देऊन दान..!

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.