डॉ. सोनिया कस्तुरे
चित्रकाव्य
– “प्रिय @ नेहा…” – ☆ डॉ.सोनिया कस्तुरे ☆
☆
नेहा, तुझा अभिमान आहे
*
अहिंसेचा लढा तू
न्यायाचा निर्धार तू
बापूच्या स्वप्नातील
सत्याचा आग्रह तू!
*
क्रांतीची मशाल तू
समतेचा आवाज तू
ज्योतीबाच्या स्वप्नातील
मूर्तरूप एल्गार तू!
*
धगधगता अंगार तू
सत्याची जाण तू
सावित्रीच्या स्वप्नातील
निर्भय, संकल्प तू!
*
लोकशाही विचार तू
संविधानाचा अर्थ तू
बाबासाहेबांच्या स्वप्नातील
‘स्त्री’ मनाचे सामर्थ्य तू
*
ओजस्वी देशप्रेम तू,
तळपती शमशेर तू!
भगतसिंगाच्या ध्यासाचा,
धगधगता इन्कलाब तू!
☆
© डॉ.सोनिया कस्तुरे
विश्रामबाग, जि. सांगली
भ्रमणध्वनी:- 9326818354
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
