श्रीमती उज्ज्वला केळकर
वाचताना वेचलेले
☆ अप्रूप पाखरे – 18 – रवींद्रनाथ टैगोर ☆ प्रस्तुति – श्रीमती उज्ज्वला केळकर ☆
[८९]
‘आम्ही कोण?
आम्ही का?
आम्ही कुठून?’
म्हणत
मला खिजवणारे
हे माझे उदास विचार…
[९०]
कातर विचारांनो,
भिऊ नका ना मला
कवी आहे मी.
[९१]
राखेच्या लाटांनी
आणि
धुराच्या लोटांनी
पुन्हा पुन्हा बजावलं
धरतीला –
‘आम्ही सख्खे भाऊ
अग्नीनारायणाचे …’
[९२]
गजबजून गेलेला
माझा ओसंडता दिवस
त्याच्या ग्ल्ब्ल्यातून
तूच आणलंस मला
इथपर्यंत
जिथं माझी
विषण्ण संध्याकाळ
मिनवत राहते
एकटेपणाचं काहूर
पोरक्या प्राणांमधून….
काय अर्थ असतो
या सगळ्याचा?
पाहीन मी वाट
उत्तरासाठी
सोबतीला घेऊन
माझी दीर्घ रात्र
गूढ… शांत… निश्चल…
मूळ रचना – स्व. रविंद्रनाथ टैगोर
मराठी अनुवाद – रेणू देशपांडे (माधुरी द्रवीड)
प्रस्तुति – श्रीमती उज्ज्वला केळकर
176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
