मराठी साहित्य – साप्ताहिक स्तम्भ ☆ सुजित साहित्य # 60 – खिळा…! ☆ श्री सुजित कदम

श्री सुजित कदम

☆ साप्ताहिक स्तंभ – सुजित साहित्य #60 ☆ 

☆ खिळा…! ☆ 

माझ्या बा नं

घर उभारताना

भिंतीत ठोकलेला खिळा

आजही..,

आहे तिथेच आहे …

फक्त..

परिस्थितीच्या ओझ्यानं

तो ही . . .

माझ्या बा सारखाच

कमरेत वाकलाय..

आता..,

तो ही माझ्या बा सारखीच

वाट पहातोय

स्वतः च्या घरातून

एकाएकी वजा होण्याची

आणि..,

आपल घर

एका नव्या खिळ्यासाठी

मोकळं करून देण्याची ..!

© सुजित कदम

पुणे, महाराष्ट्र

मो.७२७६२८२६२६

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈