श्रीशैल चौगुले
चित्रकाव्य
☆ अंतिम क्षण मातृत्वाचे… ☆ श्रीशैल चौगुले ☆
☆
गंगेच्या कुशीत सुखावले
माय-लेकरु दैवगतीचे
कसा जिव्हाळा एक जाहला
अंतिम क्षण मातृत्वाचे.
*
नाही कसले दुःख अपार
भाव जन्माचे शांत-शांत
हृदय बंद-जिवंत आत्मा
पुण्य म्हणावे का एकांत.
*
आक्रोश न कसला जीवाचा
प्रारब्ध भोग मानवलोकी
मातेची माया कशी कळावी
निष्पाप लेकरू मृत्यूनौकी.
☆
© श्रीशैल चौगुले
मो. ९६७३०१२०९०.
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
कवितेचा उत्सव 
प्रचंड धग!! 
सौ. मंजुषा सुधीर आफळे ☆
