श्री तुकाराम दादा पाटील
कवितेचा उत्सव
☆ आहेत वंचनेच्या पाठीशी पखाली… ☆ प्रा तुकाराम दादा पाटील ☆
☆
संसार पेलताना जनता पिचून गेली
लटकी उगी जगाला सांगू नका खुशाली
जगणेच आज येथे झाले आहे हमाली
आहेत वंचनेच्या पाठीवरी पखाली
*
होणार पूर्ण नाही अशा मनात जपली
अंधार उजळणा-या नाहीत या मशाली
आहेच वास्तवाची काळोख रात आली
झालोय आज आम्ही स्वप्नात भाग्यशाली
*
सरली उमेद आहे बांधून ठेवलेली
सगळीकडे निराशा आहेच पसरलेली
संधी सुधारणांची फसवून दूर गेली
सद्भावना कुणाची नाही कुठेच दिसली
*
समता इथेच दिसते द्वेषात गुंतलेली
जातियतेत आहे धूसफूस चाललेली
वाचनास जाणारी नियती निघून गेली
संस्कार संस्कृती ही नाही कुठेच उरली
*
माणूस माणसाचा नाहीच आज वाली
बदलून भावभक्ती झालीय आज नकली
जिकडे बघाल तिकडे विध्वंसता पसरली
होईल काय पुढती चिंताच फक्त उरली
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
पितृपक्ष 
