श्री अनिल वामोरकर
चित्रकाव्य
तूचि पालनहार खरा… ☆ श्री अनिल वामोरकर ☆
☆
उदयाचळी पूर्वेला
दर्शन तव घडते
सर्व जीवांचे
तम विलया जाते…
सृष्टीचे संतुलन
तूझ्याच मुळे राही
नवचैतन्य चराचरी
तूझ्याच मुळे येई..
तूझ्याशिवाय
सृष्टीची कल्पना
विदारक होय,
जसे शरीर आत्म्याविना..
रहाटगाडगे सृष्टीचे
तूच चालविशी भास्करा
तूचि अरुणा जगताचा
पालनहार खरा…
☆
© श्री अनिल वामोरकर
अमरावती
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
रेणुका धनंजय मार्डीकर
चित्रकाव्य
मयूरशिखेची फुलवारी… रेणुका धनंजय मार्डीकर ☆
भावगीत (वर्ण संख्या १२ यति ६ व्या अक्षरावर)
☆
कोंबड्या कोंबड्या दिसतोस भारी
रानी वनी राजा तुझी ललकारी ||ध्रु||
*
काळी काळी माती ओली पहा झाली
कुर्डूच्या भाजीने हिरवाई ल्याली
पाने तुझी किती आरोग्य देणारी
रानी वनी राजा तुझी ललकारी ||१||
*
गुलाबी पांढरी चंदेरी रुपेरी
मलमल सारी अंगावर पेरी
मयूरशिखेची दिसे फुलवारी
रानी वनी राजा तुझी ललकारी ||२||
*
पावसा संगती सुमने सजली
मुलायम माझ्या मनात रुजली
मांजरी साजरी तरारली सारी
रानी वनी राजा तुझी ललकारी ||३||
*
पावसाळा आला कुर्डूने घेतला
साज नवा नवा मोहक वाटला
मऊ मऊ तुझी पाकळी फुलारी
रानी वनी राजा तुझी ललकारी ||४||
☆
© रेणुका धनंजय मार्डीकर
औसा.
मोबा. नं. ८८५५९१७९१८
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
श्री आशिष बिवलकर
चित्रकाव्य
कोणी घातली ही सांगड..?? श्री आशिष बिवलकर ☆
☆
बिरबल गेल्यावर,
अकबराला प्रश्न पडला होता |
कोण घेईल त्याची जागा,
मूळव्याधीने तो पिडला होता |
*
शिकारीला जंगलात फिरताना,
त्याला हा फलक दिसला |
दुसरा बिरबल आहे राज्यात,
मनोमन पण तो ही हसला |
*
खास रंगीबेरंगी फुग्यांची,
सोडले त्याने दरबारात फर्मान |
मूळव्याध मुळापासून जाईल,
बघू लागला मनात आरमान |
*
डेकोरेशन मिरवीत,
बादशहा आला दरबारी |
हंशा एकच पिकला,
नवरत्न त्याचेच सहकारी |
*
स्वर्गात बसून बिरबल,
बघत होता सारी मजा |
राजवैद्य हकीम सारे,
भोगत होते कर्माची सजा |
*
मूळव्याध अन् फुगे,
कोणी घातली ही सांगड |
बादशहा बिचारा फसला,
वावरणे झाले त्याचे अवघड |
©️ वास्तवरंग
☆
(चित्र सौजन्य – श्री आशिष बिवलकर)
© श्री आशिष बिवलकर
बदलापूर
मो 9518942105
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
वर्षा बालगोपाल
चित्रकाव्य
परागीभवन… वर्षा बालगोपाल ☆
☆
फुलात पराग
परागात मिलिंद
मकरंद वेडा
सरसावला
*
मकरंदाची साथ
परागाची वात
बसताच त्यावर
पकडला
*
अद्वैत मिलन
करी परागीभवन
नवीन पराग
जन्मा आला
☆
© सुश्री वर्षा बालगोपाल
मो 9923400506
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
रेणुका धनंजय मार्डीकर
चित्रकाव्य
बिब्याच्या बिब्बोट्या फुला… रेणुका धनंजय मार्डीकर ☆
(भावगीत (वर्ण संख्या १६ यति ८ व्या अक्षरावर))
☆
सांगते मी ऐक ना रे बिब्याच्या बिब्बोट्या फुला
गोड झाला तुझ्यामुळे माझा आठवण झुला ||ध्रु||
*
शाळेतून येता येता दर्शन तुझे व्हायचे
पाच दहा रुपयात तुला विकत घ्यायचे
टोपलीत हसणाऱ्या पिवळ्या धम्मक डुला
गोड झाला तुझ्यामुळे माझा आठवण झुला ||१||
*
थंडीमध्ये येतोस तू शरिरास उब देण्या
संक्रांतीच्या वाणामध्ये मान पहिला रे घेण्या
औषधाचा खजिनाच तू केलास की रे खुला
गोड झाला तुझ्यामुळे माझा आठवण झुला ||२||
*
पिवळसर पांढुरकं रूप तुझं हिरवट
जपलय मनात रे नाही झालं धुरकट
अजूनही आठवून हसते रे मी तुला
गोड झाला तुझ्यामुळे माझा आठवण झुला ||३||
☆
© रेणुका धनंजय मार्डीकर
औसा.
मोबा. नं. ८८५५९१७९१८
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
श्री आशिष बिवलकर
चित्रकाव्य
इंद्रायणी श्री आशिष बिवलकर ☆
☆
देवाची आळंदी | श्रेष्ठ माऊलींची |
श्रद्धा वैष्णवांची | भक्तीभावे ||१||
*
संत ज्ञानेश्वर | घेतली समाधी |
कृती नाही साधी | तत्कालीन ||२||
*
समाधी स्थानाचे | झाले तीर्थ क्षेत्र |
नगर पवित्र | वैष्णवांचे ||३||
*
सरिता निर्मळ | होती इंद्रायणी |
अमृताचे पाणी | गोडी ऐसी ||४||
*
आजच्या मितीस | समाधी कुशीत |
सरिता दूषित | दिन दुःखी ||५||
*
उदासीन सारी | शासन व्यवस्था |
टेंडरची आस्था | इंद्रायणी ||६||
*
भोळा वारकरी | देखे इंद्रायणी |
वाली नाही कोणी | स्वच्छतेचा ||७||
©️ वास्तवरंग
☆
(चित्र सौजन्य – श्री आशिष बिवलकर)
© श्री आशिष बिवलकर
बदलापूर
मो 9518942105
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
वर्षा बालगोपाल
चित्रकाव्य
ब्रेकअप… वर्षा बालगोपाल ☆
☆
तरू हाच संकेताचा साक्षीचा
दोघांच्या प्रीत भेटीचा, मोक्याचा
तरू एकमेकांच्या आधाराने
दिल्या घेतल्या आणा भाकांचा॥
*
फुले रोमांच दो अंगावरती
स्पर्श सारेच बोलके होऊनी
फुले करती गंध पखरण
दोघांची असीम प्रिती बघुनी॥
*
वचन दिले वचन घेतले
एकत्र यायचे फक्त बहाणे
वचन कोणाचेही नसे सत्य
बोलाच्याच कढी भाता प्रमाणे॥
*
पण केलेले कसे विसरले?
दोघांचे प्रेम बहरले होते
पण नियतीच्या मनी वेगळे
जुळणार नव्हते त्यांचे नाते॥
*
फूट फुटलेले प्रेमांकूर का
अवचित असे जळून गेले
फूट पडली दोन जीवांमधे
एकमेकांनाही नकोसे झाले॥
*
ब्रेक लावला नाही भावनांना
वहावत गेले ते दोघेजण
ब्रेक अप झाले त्यांच्या नात्याचे
आता वेगळ्या वाटा, दिशापण॥
☆
© सुश्री वर्षा बालगोपाल
मो 9923400506
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
अनिता जयंत खाडीलकर
चित्रकाव्य
जीवनशोध श्रीमती अनिता जयंत खाडीलकर ☆
☆
घट डोईवर मूल कडेवर
जीवन फिरवते वणवण
दिस आलाय माथ्यावर
किती फिरशील रानातून
*
अंगभर वस्त्र डोईवर पदर
संस्कृती ही सांभाळत
करते ती सुखाचा संसार
शिकवण मायेची देत
*
पायी अनवाणी चालत
तोल सावरते विश्वासावर
मृगजळामागे धावत
जाशील तू कुठवर?
*
दोन जीवनाचे आधार
एक सोबत घेऊन
दुसरा शोधत दिनभर
जाशील तू दमून
*
एकेक थेंब साठवून
बचतीचे धडे देते
ठरेल जगती वरदान
संस्कारी जीवन घडवते
.
– – – रस्त्यावर मोलमजुरी करून दुष्काळात पाण्यासाठी वणवण भटकत फिरणार्या आईचं वर्णन करणारी ही माझी कविता त्या सर्व आईंना समर्पित.
☆
© अनिता जयंत खाडीलकर
सह्याद्री अपार्टमेंट, खाडीलकर गल्ली, बालगंधर्व नाट्यमंदिर समोर, ब्राह्मणपुरी, मिरज,जि. सांगली
मो 9689896341
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
रेणुका धनंजय मार्डीकर
चित्रकाव्य
पंचदली रानभेंडी… रेणुका धनंजय मार्डीकर ☆
भावगीत : (वर्ण संख्या १४ यति ८ व्या अक्षरावर)
☆
गुलबिल्या पाकळीत श्वेतांगी देखणी
पंचदली रान भेंडी नक्षत्र चांदणी ||ध्रु||
*
हेमंताच्या थंडीमध्ये फुलारून येते
जणू सारे चैतन्यच निसर्गाला देते
मोह घालीते मनाला पर्णांच्या गोंदणी
पंचदली रान भेंडी नक्षत्र चांदणी ||१||
*
श्वेतरंगी पाकळ्यात जांभळी टिकली
हिंदोळते वाऱ्यासवे पाकळी पाकळी
दुरूनच पाहू फळे काट्याची टोचणी
पंचदली रान भेंडी नक्षत्र चांदणी ||२||
*
रानीवनी उगवते रंग किती छान
काव्यमोती जडवून देते हिला मान
कवितेत आली माझ्या ही लावण्यखणी
पंचदली रानभेंडी नक्षत्र चांदणी ||३||
☆
© रेणुका धनंजय मार्डीकर
औसा.
मोबा. नं. ८८५५९१७९१८
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
श्री आशिष बिवलकर
चित्रकाव्य
आणखी अंत नको रे पाहूस श्री आशिष बिवलकर ☆
☆
कोरडाठाक चाललास मृगा,
कुठं विसरलास रे पाऊस?
ओढ दिली आहे सरिंनी,
अंत नको रे बाबा पाहूस |
*
काळे काळे ढग दिसेना,
ना चातक देई ती वर्दी |
गंध सुटेना मातीला अजून,
आभाळात ढग करेना गर्दी |
*
सुकलेत नदी नाले पाणवठे,
ओलावते फक्त डोळ्यांची कडा |
दहा दिशा पाण्यासाठी वणवण,
रिताच राहिला कमरेवरचा घडा |
*
गुर ढोरं झालीत व्याकुळ,
कोरडा पडला धेनूचा पान्हा |
मागल्या वर्षी आलास लवकर,
यंदा काय झाला आमचा गुन्हा |
*
तहानलेली आहे काळी आई,
ठिपूस ना उरला तिच्या उदरात |
मनसोक्त बरस ना रे पावसा,
दान टाक वरुण देवा पदरात |
*
धोंडी धोंडी पाणी दे,
बेडका लगीन थाटात लावतो |
श्रद्धा म्हणा वा अंधश्रद्धा,
देवा मागणं पावसाच रे मागतो |
©️ वास्तवरंग
☆
(चित्र सौजन्य – श्री आशिष बिवलकर)
© श्री आशिष बिवलकर
बदलापूर
मो 9518942105
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
