श्री प्रमोद वामन वर्तक
चित्रकाव्य
एक दिसाचे आयुष्य तरी… श्री प्रमोद वामन वर्तक ☆
☆
रंग माझा शुभ्र पांढरा
देठ छोटा गर्द भगवा.
परिसीमा नाजूकतेची
सुगंध वाटे हवा हवा!
*
मला आणिले श्रीहरीने
या धरेवर स्वर्गातुनी.
सत्यभामा रुक्मिणीचा
रंगला वाद मजवरुनी!
*
खुडत नाहीत मजला
जातो सडा टिपला.
होता अर्पण प्रभूचरणी
जन्म सार्थकी लागला!
*
रस माझा बहुउपयोगी
मात करी हृदरोगावर.
होता कोरडा खोकला
पळवी त्यास तो सत्वर!
*
एक दिसाचे आयुष्य
घेते आनंदाने जगून.
जगतांना साऱ्या जगा
जाते बरेच शिकवून!
जाते बरेच शिकवून!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
