श्रीमती उज्ज्वला केळकर
वाचताना वेचलेले
☆ “गोष्ट मोक्षाची…” – कवी : श्री वासुदेव महादेवराव खोपडे ☆ प्रस्तुति – सौ. उज्ज्वला केळकर ☆
☆
नको मले खीर पूरी
नको देऊ भजा वळा
गोष्ट मोक्षाचिच सांगे
दारी एकाक्ष कावळा !!
*
दारी एकाक्ष कावळा
कसा काव काव बोले
मानवाचे कटू सत्य
पट अंतरीचे खोले !!
*
पट अंतरीचे खोले
एकाक्ष बहुजनांत
तुमचाच बाप कैसा
येतो पित्तरपाठात !!
*
येतो पित्तरपाठात
आत्मा हा स्वर्गातूनी
आत्म्याचा प्रवास सांगा
पाहिलायकारे कुणी ?
*
पाहिलायकारे कुणी ?
रस्ता स्वर्ग नरकाचा
सारा कल्पना विलास
धंदा धनाचा पोटाचा !!
*
धंदा धनाचा पोटाचा
भट शास्त्री पंडिताचा
कधी कळेल रे तुला
खेळ डोळस श्रद्धेचा !!
*
खेळं डोळस श्रद्धेचा
खेळ होऊन माणूस
मायबापाच्या मुखात
घाल जित्तेपणी घासं !!
*
घाल जित्तेपणी घासं
नको वृद्धाश्रम गळा
नको करू रे साजरा
अंधश्रद्धेचा सोहळा !!
*
अंधश्रद्धेचा सोहळा
भीती धर्माची ग्रहाची
आत्म मोक्षासाठी फक्त
भीती असावी कर्माची !!
*
भीती असावी कर्माची
कर्म सोडीना कुणाला
सांगे मोक्षाचिच गोठ
दारी एकाक्ष कावळा !!
☆
कवी : श्री वासुदेव महादेवराव खोपडे
सहा पोलीस उपनिरीक्षक (से. नि.), अकोला 9923488556
प्रस्तुती : सौ. उज्ज्वला केळकर
संपर्क – निलगिरी, सी-५ , बिल्डिंग नं २९, ०-३ सेक्टर – ५, सी. बी. डी. – नवी मुंबई , पिन – ४००६१४ महाराष्ट्र
मो. 836 925 2454, email-id – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
