सुश्री दीप्ती कुलकर्णी
☆ कवितेचा उत्सव ☆ जीवनपट ☆ सुश्री दीप्ती कुलकर्णी ☆
एकदातरी
एकदातरीअसं व्हावं
गारा वेचत हरवून जावं
दाटलैल्या धुक्याचं पांघरुण घ्यावं
श्रावणसरीत न्हाऊन घ्यावं
हिरवाई पाहताच मोहरुन जावं
स्रुष्टीतील नवलाईत हरवून जावं
वादळवार्यात गुंगुन जावं
सुखाच्या वर्षावात बेभान व्हावं
दुःखाचे घावही सोशित राहावं
स्वतःबरोबर दुसर्याच्या दुःखातही सहभागी व्हावं
आभाळमाया आठवत आठवत
क्षमाशील धरतीला उमजून घ्यावं
जीवनातील विविध रंगात मनस्वीपणे रंगून जावं
एकदातरी प्रत्येकानच जीवन भावुकतेने अनुभवावं.
© सुश्री दीप्ती कुलकर्णी
कोल्हापूर
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
