सुश्री मंजुषा सुनीत मुळे
कवितेचा उत्सव
☆ “आतुर…” ☆ सुश्री मंजुषा सुनीत मुळे ☆
☆
धुंद मंद गंध हा
रातराणी बहरली
प्रीत मन्मनीची गं
अशीच आज मोहरली ।।
*
तव स्मृती या मनी जाग्या
भान माझे हरपते
रोमरोमी फुलवती गं
स्वप्न जणू साकारते ।।
*
माझी कधी होशील राणी
वाट सतत मी पाहतो
रातराणीच्या परी गं
रात्र रात्र मी जागतो …
रात्र रात्र मी जागतो ।।
☆
© सुश्री मंजुषा सुनीत मुळे
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
