श्री सुहास रघुनाथ पंडित
कवितेचा उत्सव
☆ एकटा?... ☆ श्री सुहास रघुनाथ पंडित ☆
☆
“तुम्ही एकटेच राहणार? “
असं तू विचारतेस तेव्हा,
खरं तर मला हसूच येतं
कुठे असतो मी एकटा?
सोबतीला असतातच ना
हे शब्द, कल्पना आणि आपली स्वप्न!
खरंच,
एकटाच आलास आणि एकटाच जाणार
असं कितीही म्हटलं
तरी ते काही खरं नसतं!
येतानं असतातच की आपल्याबरोबर
आपल्या उज्वला भविष्याची स्वप्नं
आणि जाताना असतातच ना
आयुष्यभरातल्या आठवणींची गाठोडी!
मग मी एकटा कसा?
गर्दीत तर मी एकटा नसतोच
पण एकटा असतानाही नसतो मी एकटा
माझ्या आतल्या आत असते
स्वप्नांची एक नगरी
आणि आठवणींच साम्राज्य
मग सांग
मी एकटा कसा?
☆
© श्री सुहास रघुनाथ पंडित
सांगली (महाराष्ट्र)
मो – 9421225491
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
