प्राची अभय जोशी
कवितेचा उत्सव
☆ घर कौलारू… ☆ प्राची अभय जोशी ☆
☆
मन एक विचारांचं आकाश
निळ्या निळ्याभोर स्वच्छ
आकाशाची सोनेरी पहाट
मन प्रकाशाचा कवडसा
धरतीवर चमचमणारा
आशेच्या किरणांनी
दाही दिशा उजळवणारा
मन एक पवित्र देव्हारा,
भगवंताच्या नित्य वासाचा
तरीही वाटे हा एक आभास
मनन चिंतन हा एक ध्यास
मन वेदना, मन संवेदना
सुख दुःखाच्या वेगळ्या कल्पना
रंगात भिजलेल्या भावना
भावनांच्या रंगांचे सुंदर साजिरे
मखमली फुलपाखरू
मन म्हणजे प्रत्येकाच्या,
भाव संवेदनांचं घर कौलारू
घर कौलारू…
☆
© प्राची अभय जोशी
मो 9822065666
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
