जयश्री पाटील
कवितेच्या उत्सव
☆ घे भरारी… ☆ जयश्री पाटील ☆
☆
सांगतोना ग वारसा आपण सावित्रीचा
मग का विसर पडतो तुला तिच्या कर्तुत्वाचा
*
शिकलोना ग आपण विज्ञान शाळेमध्ये
नाही का ग घेतले ज्ञान तर्कशास्त्रामध्ये
*
सिक्सथ सेन्स असतो म्हणतात ना ग स्त्रीयांना
कुठे हरवतो तो भोंदू बाबांच्या पाया पडताना
*
सत्ता अधिकार पैसा असते का मर्यादा त्याला
स्वत्व गमावून हे सारे हवे आहे का ग तुला
*
शक्तीचा जागर करतो ना ग आपण नवरात्रात
दाखव सामर्थ्य दृष्टांशी खंबीर होऊन लढण्यात
*
मती नको ग तुझी ठेवू कुठे तू गहाण
कर जरासा नेहमी एक विचार महान
*
मुलगा हवा म्हणून नको नादी कोणाच्या लागू
दबावाला कोणाच्याही तू नको कधी बळी पडू
*
दत्तक पुत्र घेऊनी लढली लक्ष्मी रणांगणी
सावित्री ही झिजली समाजसेवा करूनी
*
छत्रपती शाहू सयाजी होते दत्तक पुत्र
रयतेसाठी त्यांनीच धरले सुधारणेचे छत्र
*
सायासाने मिळाला आहे स्त्रियांना मोकळा श्वास
घे भरारी सोडून दे तू तो अंधश्रद्धेचा बंदीवास
☆
© जयश्री पाटील
विजयनगर.सांगली.
मो.नं.:-8275592044
≈संस्थापक संपादक – श्री हेमन्त बावनकर/सम्पादक मंडळ (मराठी) – उज्ज्वला केळकर/श्री सुहास रघुनाथ पंडित / मंजुषा मुळे/ गौरी गाडेकर≈
