श्री तुकाराम दादा पाटील
कवितेचा उत्सव
☆ देव हासले… ☆ प्रा तुकाराम दादा पाटील ☆
☆
मला तुला जपायला कुणी तरी सुनावले
दिवानगी नको करू जपून टाक पावले
*
म्हणू नको उगाच तू तुलाच खूप चांगला
तुझ्या पुढे कधी तरी बरेच लोक गाजले
*
धरून ध्येय चांगले लपून का बसायचे
जगात या जगायचे करून काम चांगले
*
नमून वागणे बरे नको मिजास दाखवू
गरीब तारले इथे मुजोर दूर फेकले
*
चुका करून वागतो पुन्हा हसून सांगतो
सुधारला कधी न तो उपाय खूप योजले
*
तमाम जिंदगी तुला जगायची खरीखुरी
जुन्यातले जुने खरे बघून सर्व दाखले
*
जगात सत्य तेवढे टिकून आज राहते
पळून दैन्य चालले म्हणून देव हासले
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
सुंदर सर….