सुश्री नीलांबरी शिर्के
कवितेचा उत्सव
☆ बाईपणाचा अभिमान… ☆ सुश्री नीलांबरी शिर्के ☆
☆
बाईपणाचा अभिमान मला
आईपणाचा अभिमान मला
बाई म्हणूनी नीत वापरते
मी
मनदेहावर सृजन शालीन शेला
गौरव कोणी करो ना करो
माझी शक्ति मलाच माहित
सांभाळून मी स्वतः स्वतःला
सांभाळत जाते सर्वांचे हित
सृजनपणाचे लेणे मजला
अभिमानाने मिरवित असते
माती, नदी जलधारातुन
मलाच मी नीत भेटत असते
सन्मान मिळो वा अपमान मिळो
मला माझा अभिमान वाटतो
लेच्यापेच्या नसती महिला
ॠतुचक्राचे चाक आम्ही त्याच अभिमान आम्हाला
🌹
💐जागतिक महिला दिनाच्या शुभेच्छा मला, तिला , तुला सर्व महिलांना 💐
© सुश्री नीलांबरी शिर्के
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
