मराठी साहित्य – वाचतांना वेचलेले ☆ “सुखाचे गुंफलेले काही क्षण…” – लेखक : अज्ञात ☆ प्रस्तुती – सुश्री सुनीला वैशंपायन ☆

सुनीला वैशंपायन 

 वाचतांना वेचलेले 

☆ “सुखाचे गुंफलेले काही क्षण…” – लेखक : अज्ञात ☆ प्रस्तुती – सुनीला वैशंपायन ☆

▪ कोकिळेच्या मधुर स्वराने आलेली जाग

▪ आलं घातलेला वाफाळणारा चहा

▪ अंगणातला प्राजक्ताचा सडा,

▪ सगळ्यात पहिल्यांदा आपल्याच हातात पडलेला पेपर,

▪ अवीट गोडी असलेलं… लताचं – “सुनो सजना पपीहे ने कहा सब से पुकारले के… “,

▪ लिंबू पिळलेला आणि वरुन साजूक तूप घातलेला गरम गरम वरण भात

▪ पुलंचं पुस्तक, त्यांचं पेटीवादन… त्यांचं कथाकथन,

▪ आशाच्या हुकमी आवाजातलं – ” जाईए आप कहा जाएंगे…, “

▪ बिस्मिल्लांचे सनईचे सूर,

▪ सुधीर फडके यांचं “धुंदी कळ्यांना …” भावगीत

▪ सोनचाफ्याची फुलं

▪ अगदी आपल्याला हवी तशी बनलेली कॉफी

▪ थोडीशी तिखट भेळ, गरम भजी, चुलीवरची भाकरी, गरम हुरडा आणि चटणी

▪ रातराणीचा सुगंध,

▪ थंडीत खाल्लेलं टेंडर कोकोनट,

▪ गाण्याच्या मैफिलीत जागवलेली पौर्णिमेची रात्र,

▪ पहाटे दिसलेली शुक्राची चांदणी

▪ अचानक नजरेला पडलेला भारद्वाज

▪ आपण लावलेल्या गुलाबाला आलेली पहिली कळी

▪ दवांत न्हाऊन निघालेली मोगऱ्याची फुलं …

सुख सुख म्हणतात ते हेच…

… आणखी काय पाहिजे… छोटी छोटी सुखं शोधाल तर जीवन जगाल !

लेखक:अज्ञात

प्रस्तुती : सुनीला वैशंपायन

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈