मराठी साहित्य – कवितेचा उत्सव ☆ गाते कोण मनात ☆ स्व वामन रामराव कांत (वा.रा. कांत)

स्व वामन रामराव कांत (वा.रा. कांत) 

(जन्म – 6 ऑक्टोबर 1913 – मृत्यु – 8 सप्टेंबर 1991)

 कवितेचा उत्सव 

☆ गाते कोण मनात ☆ स्व वामन रामराव कांत (वा.रा. कांत) ☆

गाते कोण मनात ,

कळेना,गाते कोण मनात ?

जरी शतावधी कविता लिहील्या

शंभरदा वाचिल्या,गायिल्या

शब्द कुणाचा,सूर कुणाचा ?अजुनि मला अज्ञात.            1

पुशिले त्याचे नाव फुलाला

गाव तयाचे उषे-निशेला

मिचकावुनि कुणी डोळा जातो,

काळ्याभोर जळात               2

अभिमानाने कधी दाटतां

‘रचिले मी हे गाणे ‘ म्हणता

‘गीतच रचिते नित्य तुला रे,’ फुटे शब्द ह्रदयात                        3

कळेना,गाते,कोण मनात ?

स्व वामन रामराव कांत (वा.रा. कांत) 

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈