श्रीमती उज्ज्वला केळकर
वाचताना वेचलेले
☆ अप्रूप पाखरे – 23– रवींद्रनाथ टैगोर ☆ प्रस्तुति – श्रीमती उज्ज्वला केळकर ☆
[१०९]
हल्ली हल्ली
माझ्याकडे
तरंगत तरंगत
हे जे ढग येतात
ते बसण्यासाठी नाही
की वादळाची वर्दी देण्यासाठीही नाही
ते येतात
माझ्या सायंकालीन आभाळाला
रंग देण्यासाठी
[११०]
दिवस ढळला की
यावंच लागेल मला तुझ्यासमोर
पहाशील तेव्हा सारे ओरखडे
खुणा आणि व्रणसुद्धा
आणि
उमगतील तुला
माझ्या जखमांची उत्तरं
माझी मीच शोधलेली
[१११]
रस्त्याच्या कडेने
मुसमुसणार्‍या गवता
एकदा तरी
आकाशातल्या त्या तार्‍यावर
मनोभावे प्रेम कर.
तेव्हाच तुझी स्वप्ने
फुलं बनून येतील
आणि लहरतील तुझ्यावर
[११२]
तुझ्या नि:शब्द गाभ्याशी
घेऊन चल मला
मग ओसंडतील
काळजातून माझ्या
लक्ष लक्ष गाणी
मूळ रचना – स्व. रविंद्रनाथ टैगोर
मराठी अनुवाद – रेणू देशपांडे (माधुरी द्रवीड)
प्रस्तुति – श्रीमती उज्ज्वला केळकर
176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
