श्री अशोक श्रीपाद भांबुरे
साप्ताहिक स्तम्भ – अशोक भांबुरे जी यांची कविता अभिव्यक्ती # 115 ☆ दरी ☆
गोष्ट आहे हीच खरी
दोघामधे आहे दरी
भेट व्हावी सांग कशी
पृथ्वी मी तू आहे शशी
लग्न आपले मोडले
असे कसे हे घडले
घरामध्ये रुसलेल्या
आहे पहा बारा राशी
सूर्य चंद्र दोस्त माझे
माझ्यासाठी दोघे राजे
एक वाटते द्वारका
दुसरी ती आहे काशी
जरी आलो मी साठीला
पांडुरंगाच्या भेटीला
आसुसला जीव माझा
आज आहे एकादशी
© अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
