प्रा. सौ. सुमती पवार
कवितेचा उत्सव
☆ झाली फुले कळ्यांची….. ☆ प्रा. सौ. सुमती पवार ☆
सहवास लाभला जो झाली फुले कळ्यांची
आठवता ते दिन फुलते कळी मनीची ….
मृदगंध होता प्यारा , श्वासात घे भरूनी
चाहूल लागत ती होती पहा दुरूनी
मन पक्षी धाव घेई …
सळसळ हो कळीची …..
आठवता ते दिन ….
फुलते कळी मनीची ….
असती विभोर सारे ,मनमोर थुईथुई
स्वप्नात रंगलेले ,असतात सारे भोई
पर्वा नसे कुणाला….
वाळूत तापल्याची
आठवता ते दिन …
फुलते कळी मनीची ….
वेडे असो दिवाणे ,दिन जाती ते सुखाने
दमदार त्या मनांच्या, दु:ख्खास ठोकरीने
तळव्यावरी ते फुलं…
निरखून पाहण्याची
आठवता ते दिन ….
फुलते कळी मनीची ….
कुपीत ठेवूनी ती ,स्वप्ने पहा शहाणी
रमतात जन सारे ,भूतकाळच्या दुकानी
सुखावे वर्तमान …
निरगाठ त्या सुखाची…
आठवता ते दिन …..
फु..ल..ते..कळी मनीची…
© प्रा.सौ.सुमती पवार ,नाशिक
(९७६३६०५६४२)
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
Thank you very much sir
Thanks a lot
For poem
?????
????????????