मराठी साहित्य – कवितेचा उत्सव ☆ दत्ता अवधूता…☆ सौ. सुचित्रा पवार

सौ. सुचित्रा पवार

 कवितेचा उत्सव 

☆ दत्ता अवधूता…. ☆ सौ. सुचित्रा पवार ☆

श्रीपाद वल्लभा। दत्ता अवधूता

सद्गुरूनाथा । नमन घे

उभी कृष्णातिरी । त्रैमूर्ती प्रसन्न

तेजस्वी चैतन्य । दिगंबर

चरणी खडावा । रुद्राक्षाच्या माळा

दयाळा कृपाळा । दीनानाथ      

अनुसया सत्त्वे । जन्म घेतलासी

तू अवतारीसी ।गुरुदेव

योगीयांचा योगी । ज्ञानाची माऊली

कृपेची सावली ।साक्षात्कारी

चिंता मुक्त करी । सन्मार्गासी नेसी

पावन करीशी । कृपाळुवा

प्रेमळ कटाक्षे । स्नेह पाझरती

तू भक्तांवरती । दयाघना

वेड लावी चित्ता ।भरती प्रेमाची

तुला हृदयाची । पायघडी

नित्य नाम घेता ।होय चिंता मुक्त

संकटा त्वरित । निवारीशी

© सौ.सुचित्रा पवार 

तासगाव, सांगली

8055690240

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈