श्रीमती अनुराधा फाटक
कवितेचा उत्सव
☆ सगळंच काही… ☆ श्रीमती अनुराधा फाटक ☆
सगळंच काही…
सगळंच काही नसतं
घालायचं कंसात !
कधी लागतो अर्धविराम
तर काहींना स्वल्पविराम
पूर्णविरामानेही काहींची
पूर्तता होत नाही…
मग, विचार करायला
लागते प्रश्नचिन्ह !
चिंतनाच्या गुहेतून
अजाणता येतो उदगार !
पण ते असते स्वगत
बसत नाही कंसात
त्याचे स्थान फक्त मनात !
© श्रीमती अनुराधा फाटक
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
