सुश्री अरुणा मुल्हेरकर
कवितेचा उत्सव
☆ रंगात रंगले मी… ☆ सुश्री अरुणा मुल्हेरकर ☆
☆
तू शाम तव मी राधा
खेळली रास होरी
रंगात रंगले मी
केलीस कशी बळजोरी
*
तुझी रंगभरी पिचकारी
भिजविली चोळी अन सारी
तुझी राधा भोळी बिचारी
श्रीरंगा कृष्ण मुरारी
*
गेलासी गोकुळ त्यजुनी
तू नृपाल द्वारकेचा
मागे वळून पहा रे
विरह तुझ्या राधेचा
*
रंगू कशी मी रंगी
तुजविण बा सख्या रे
येशील का पुन्हा तू
रंगात भिजविण्या रे
☆
© सुश्री अरुणा मुल्हेरकर
डेट्राॅईट (मिशिगन) यू.एस्.ए.
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
