सौ. ज्योती कुळकर्णी
कवितेचा उत्सव
☆ काठी… ☆ सौ. ज्योती कुळकर्णी ☆
(अनलज्वाला)
☆
आधाराला दिली तुला मी माझी काठी
नकोस समजू सदासर्वदा कुबडी साठी
*
तुटतील कशी रक्ताची ही पक्की नाती
मारून पहा पाण्यावरती मोठी काठी
*
काय चांगले केले आहे सांग जगाला
पान उलटता शोभेसाठी नसते ‘साठी’
*
नाते जुळले स्वर्गात कुठे माहित नाही
इथे बांध ना प्रेमाच्या तू रेशम गाठी
*
धाव धावतो पैसा मिळतो कसली घाई?
वाघ लागला आहे का रे तुझिया पाठी?
☆
© सौ. ज्योती कुळकर्णी
अकोला
मोबा. नं. ९८२२१०९६२४
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
