Category: चित्रकाव्य

श्री सुहास रघुनाथ पंडित

  चित्रकाव्य  

“पानगळ” – कवी : श्री राहुल लाळे  ☆ प्रस्तुती – श्री सुहास रघुनाथ पंडित ☆

☆

पानगळ जरी झाली

तरीही झाड परत बहरते…

*

फुलंफळं लुटली जाऊनही

खोडाला पुन्हा पालवी फुटते…

*

आपणही का नाही मग झाड व्हावं?

*

आप्तजनांची पानं गळता

हुंदके गिळून नवा बहर ल्यावा…

*

आशेची पालवी नेसावी

आठवणीतून नवस्वप्ने पहावी

*

छायेत आपल्या इतरांनाही सावली द्यावी

सारी दुनिया खुलवून टाकावी…

☆

कवी : श्री राहुल लाळे

प्रस्तुती : श्री सुहास रघुनाथ पंडित

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  

लागे हुरहुर…  श्री आशिष  बिवलकर ☆

☆

कामाचा माणूस | गेला दूर दूर |

लागे हुरहुर | महाराष्ट्रा ||१||

*

शेवट पर्यंत | सोबत फाईल |

मृत्यूला स्माईल | व्यस्तपणे ||२||

*
यमराज घाले | वाटेमध्ये रेडा |

नेला कामवेडा | मर्द ऐसा ||३||

*

दादा माणसाची | एक्सिट अकाली |

काळजा रुतली | खोलवर ||४||

*

काळाने पडदा | अवेळी ओढला |

सामान्य रडला | निरोपाला ||५||

*

मंत्रालय सुनं | सुन्न बारामती |

अवघड किती | पचवाया ||६||

*

अनंताचा पुत्र | गेला अनंतास |

न बसे विश्वास | आम्हां जना ||७||

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

28/01/26

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

  चित्रकाव्य  

बंधन ? की वरदान ?  सुश्री नीलांबरी शिर्के ☆

☆

रोप फुलाचे 

जेंव्हा लावले

चालीरितीचे

बंधन आले !

*

फूल लागता

भ्रमर येतील

भिंतीचे बंधन

उभे राहीले !

*

बंधनात ते

वाढू लागता

कळ्था फुलांचे

घोस जन्मले !

*

त्याच क्षणाला

हिरव्या तरूला

तरूपणाचे 

वरदान लाभले !

*

तारुण्यसुलभ

भावनाच ती

ओलांडती मग

बंधन आपुले !

*

बंधन भिंतीवर

घोस फुलांचे

बंधनासही

सजवीत गेले !

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. रेणुका धनंजय मार्डीकर

  चित्रकाव्य  

प्राजक्ता आहेच थोडा असा… सौ.रेणुका धनंजय मार्डीकर ☆

☆

प्राजक्ता आहेच थोडा असा 

 कोवळ्या पाकळ्यांनी फुलणारा 

 वाऱ्याची हळूच झुळूक येता 

 हिंदोळ्यावर झुलणारा 

* 

 रात्रीच्या अंधारात 

 शुभ्र फुलात डवरलेला 

 फांदी फांदीवर चांदणं जणू 

 अंगोपांगी मोहरलेला 

 *

 प्रभातीच धावतो खाली 

 अंगणाच्या ओढीने 

 सुगंधी शुभ्र गालिचा 

 भूमातेला घालतो लाडीगोडीने 

 *

 केशर कांती देठाने 

 रंगांची करतो उधळण 

 सडा पाहून प्राजक्ताचा 

 बेधुंद होते माझे मन 

 *

 हळूच सांगतो कानात 

 अलगद उचल हं मला 

 पाकळी जर तुटली माझी 

 काळजात दुखेल हो तुला 

 *

 सुगंधी जखमांना 

 घेऊन वावरशील कशी 

 तुटलेल्या पाकळीला सांग ना 

 मग सावरशील कशी 

 *

 श्रीहरीच्या चरण कमलावर 

 विनम्र भावे नतमस्तक होताना 

 त्याच्या इतकच व्हावं कोमल 

 प्राजक्ताला ओंजळीत घेताना 

 *

 क्षणात विरक्त होतो तो 

 सर्वस्वाचे दान देऊन 

 निर्माल्य होताना हा प्राजक्त 

 जातो गोड आठवणी ठेवून

☆

© सौ.रेणुका धनंजय मार्डीकर

औसा.

मोबा. नं.  ८८५५९१७९१८

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈

सौ. ज्योती कुलकर्णी

  चित्रकाव्य  

देश आमुचा… ☆ सुश्री ज्योती कुलकर्णी ☆

(वृत्त : पादाकुलक) 

☆

जय जवान हो जय किसान हो 

शास्त्रीजींचा होता नारा

हिंद देश हा आहे न्यारा

असे तिरंगा अम्हास प्यारा

*

पोशिंदा हा धान्य पिकवितो

हलधर येथे कष्ट करीतो

रक्षण अपुले करण्यासाठी 

जवान हाती शस्त्र धरीतो

*

चला शिकू या आपण काही

घेऊ थोडी जबाबदारी

मदत करू या पकडायाला 

दिसले जर का भ्रष्टाचारी

*

घेत काळजी प्रदूषणाची 

निसर्गापुढे सदाच वाकू

शत्रू सगळे मिळुनी शोधू

परकी शक्ती उखडू फेकू

*

विकास व्हावा सर्वांगाने

देशात हवी अम्हास शांती 

मतभेदाच्या तोडत भिंती

घडवू आपण नवीन क्रांती

☆

कवयित्री : सुश्री ज्योती कुळकर्णी

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  

दु:ख बोलवेना …  श्री आशिष  बिवलकर ☆

☆

खंदा सहकारी | गेलाय सोडून |

आक्रित घडून | गेलं आज ||१||

*

रिकाम्या खुर्चीस | होतेय वेदना |

दुःख बोलवेना | मुकी स्तब्ध ||२||

*

नि:शब्द चेहरे  | अश्रू ओघळती |

मिश्किल सोबती | दुरावला ||३||

*

क्रूर नियतीने | केला असा घात |

मालवली वात | नेतृत्वाची ||४||

*

चटका मनास | बसलाय आज |

व्यथित समाज | घटनेने ||५||

*

महाराष्ट्र बुडे | शोक सागरात |

हुंदका कंठात | वियोगाचा ||६||

*

दादा माणसाचा | ऐसा कैसा अंत |

हळहळ खंत | ह्रदयात ||७||

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

28/01/26

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

  चित्रकाव्य  

नाते हे अतूट…!!  सुश्री नीलांबरी शिर्के ☆

☆

विठू माऊलीची

अशी गळाभेट

मिळते का सांगा

करिता पायपीट!

*

जयाच्या मनी

सदा भक्तिभाव

त्यालाच भेटतो

असा तिथे देव!

*

आपसूक होते

अशी गळाभेट

भक्ताशी देवाचे

नाते हे अतूट!

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री वर्षा बालगोपाल

  चित्रकाव्य  

आई गं आई…   सुश्री वर्षा बालगोपाल ☆

☆

आई गं आई 

एवढी का तुला घाई 

पावसात हात धरून चाललीस तरातरा 

मनी भूभू भिजतय बघ ना तू जरा ||

*

ज्ञानेश्वरांचे पसायदान तूच तर शिकवले 

भूतां परस्परे जडो मैत्र जीवांचे सांगितले 

मग मला या दोघांशी मैत्री करू दे 

माझ्या छत्रीत दोघांना घेऊ दे ||

*

आता नको म्हणू मस्तीखोर

अगं मीच तुझा ना चित्तचोर

बघ तू माझे मित्र आपल्या बरोबर राहतील

पसायदान ते पण शिकतील ||

☆

© सुश्री वर्षा बालगोपाल

मो 9923400506

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री प्रमोद वामन वर्तक  

  चित्रकाव्य  

☆ मकाऊ नगरी ☆ श्री प्रमोद वामन वर्तक ☆

☆

चाले ऊन पावसाचा 

इथे क्षणोक्षणी खेळ,

छत्री घ्यावी कां न घ्यावी 

लागेना मनाचा मेळ!

*

दिसे मकाऊची सुंदरता 

उंच टॉवरवरून छानशी,

तीन बेटांचे वसले शहर

लगट करुन चीनशी!

*

डोळे दिपविणारी सारी

दिसे मकाऊ नगरी,

खिसे रिते करण्या इथे 

जमती जगातून जुगारी!

*

एका पेक्षा एक कॅसिनो 

मनं आकर्षित करतो,

“डायमंड शो” गॅलॅक्सिचा 

डोळ्याचे पारणे फेडतो!

*

करून रामराम मकाऊला 

परत माघारी वळणार,

रहाट गाडगे रोजचे

दोस्तीत सुरु होणार!

दोस्तीत सुरु होणार!

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – pradnyavartak3@gmail.com

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  

मळभ…  श्री आशिष  बिवलकर ☆

☆

अर्ध्यावर साथ सोडून गेलीस,

या खुर्चीला तुझी आस आहे |

पदोपदी, श्वासाश्वासात मज,

भोवताली तुझाच भास आहे |

*

सावली होऊन वावरलीस,

अर्पण करून तुझं सारं काही |

आयुष्यभर भरपूर देत राहिलीस,

उरल्या वाटेवर तुझी सोबत नाही |

*

नियती तिचा घाला घालून गेली,

आयुष्यभराचा घायाळ करुनी |

भळभळत्या जखमेवरती फुंकर,

तुझ्या सोबतचे रम्य क्षण स्मरुनी |

*

घराला उरल्यात फक्त भिंती,

ते घरपण आता जाणवत नाही |

किती वेळ एकांतात बाहेरच असतो,

आतुरतेचा उंबरठा खुणावत नाही |

*

स्वागतास नाही रंगीत रांगोळी,

नाही उंबऱ्याच्या बाजूस दिवा |

तिन्ही सांजांना सांग ना गं सखे,

उरलाय फक्त तुझ्या आठवांचा ठेवा |

*

पुढे पडणारं एक एक पाऊल,

न कळत जड वाटू लागलंय |

स्तब्ध एकाच जागी राहून,

ह्रदयात मळभ दाटू लागलंय |

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈