सौ. रेणुका धनंजय मार्डीकर
चित्रकाव्य
कल्पवृक्ष आहे मोह सौ.रेणुका धनंजय मार्डीकर ☆
(अष्टाक्षरी)
☆
तुला पाहून मनाला
माझ्या पडतो ना मोह
असा सुगंध देणारा
कल्पवृक्ष आहे मोह
*
मोठ्या मोठ्या पानांमध्ये
पांढुरकी छान फुले
येता वाऱ्याची झुळूक
झुबक्यात पहा खुले
*
रात्री उमलती सारे
किती झाडाखाली सडे
आदिवासींचा हा देव
सदा उपयोगी पडे
*
तेल बनतेच याचे
औषधेही बनतात
फळफुल पान सारे
उपयोगी गणतात
*
फुले लागतात गोड
प्राणी पक्षी खाती सारे
माणसाला झिंग चढे
मोहाचे या रंग न्यारे
*
खीर रोट बनवती
आदिवासी खाण्यासाठी
पर्यावरण राखतो
हवा शुद्ध देण्यासाठी
*
नावातच मोह आहे
मद्य बनते फुलांचे
आज मोहाचे केले मी
काव्यातून गाजेवाजे
*
© सौ.रेणुका धनंजय मार्डीकर
औसा.
मोबा. नं. ८८५५९१७९१८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
कोण खरे आहे… 
