सुश्री नीलांबरी शिर्के
चित्रकाव्य
एकच प्रार्थना… सुश्री नीलांबरी शिर्के ☆
☆
शेंगेतले दोन दाणे जणू जुळे भाऊ
पांघरूण काढलं तरी म्हणतात
जरा झोपून घेऊ – –
झोप झाल्यावर न कळे.. भविष्य असेल काय !
कुणी कढईत कोणी खलबत्यात
कुटलं जाय !! – –
शेंगदाणा जाणतो .. नंतर होतं काय
एकच प्रार्थना मनोमनी की
एक तरी मातीत पेरलं जाय !! – –
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
श्री आशिष बिवलकर
चित्रकाव्य
|| जाब विचाराया नाही आलो… || श्री आशिष बिवलकर ☆
☆
काय विठ्ठला,
पंढरी तुझी भक्तांनी सजली!
ओल्या डोळ्यांनी आलो,
पावसाने भाकरी माझी भिजली!
*
शेतात कष्ट करून,
जगाला म्हणे आम्ही पोसतो!
नुकसान झालया,
नशिबाचा फेरा नेहमीच सोसतो!
*
आषाढीला आलो होतो,
मागितलं चांगल पीक पाणी!
आभाळच कोसळलं,
आम्हा उरला ना वाली कोणी!
*
कसली दिवाळी- दसरा,
चिंधी नाही घेतली लेकराबाळा!
फाटकंच लुगडं नेसलं तिनं
कारभारीण हात लावी कपाळा!
*
गोडधोड केल नाही लेकराना,
दोन वेळ अन्नाची उरली भ्रांत!
देवा रडगाणंच म्हण माझे,
कसा राहू मी आता तरी शांत!
*
जाब विचाराया नाही आलो,
पंढरीनाथा तुझ्या दारात!
माऊलीच तू माझी,
घे दुःख लेकराच पदरात!
*
बळ दे झुंजायला,
साकडं घालतो आता!
परीक्षा नको घेऊ,
चरणी टेकतो माथा!
©️ वास्तवरंग
☆
(चित्र सौजन्य – श्री आशिष बिवलकर)
© श्री आशिष बिवलकर
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुश्री नीलांबरी शिर्के
चित्रकाव्य
हात धरू शकताय तोवर… सुश्री नीलांबरी शिर्के ☆
☆
अजुन किती खोल बुडणार
या आभासी भुलभुलय्यात!
हात धरू शकताय तोवर
धरा हात अन या वास्तवात
*
भासच सारे आहेत तिथ
हाती काही लागणार नाही
भविष्य साकारायच्या वयात
आभासात गुंतण इष्ट नाही!
*
नुसत बघत बसू नका पोरांनो
वेळ आहे तोवर सावध व्हा!
एकमकांचा हात गुंफून सारे
हात धरा माझा बाहेर या!
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सौ. रेणुका धनंजय मार्डीकर
चित्रकाव्य
वैशाखात अग्निपुष्प सौ.रेणुका धनंजय मार्डीकर ☆
(भावगीत – वर्ण संख्या 16 यती 8 व्या अक्षरावर)
☆
केशरांगी बहरल्या तेजोमय पलाशाला
वैशाखात अग्निपुष्प भासतात जणू ज्वाला ||ध्रु||
*
किती शिकावे शिकावे पळसाचे गुण घ्यावे
ब्रह्मा विष्णू महेशाने येथे निवासाला यावे
भेगाळल्या मातीवर बहर फुलांचा आला
वैशाखात अग्निपुष्प भासतात जणू ज्वाला ||1||
*
कधी भासतो तो मला ध्यानस्थ बसला योगी
रणरणतो भास्कर चटके पळस भोगी
वसंतवैभवातला किरिट पलाश झाला
वैशाखात अग्नीपुष्प भासतात जणू ज्वाला ||2||
*
कालीमाता सरस्वती यांच्या पूजेसाठी फुले
विदर्भात वापरती सान थोर आणि मुले
ढाक, टेसू, ब्रह्मपुष्प किती नावे पहा याला
वैशाखात अग्निपुष्प भासतात जणू ज्वाला ||3||
*
ऋतुसंहार हे नाव कालिदासांनी दिलेले
अर्धचंद्रकृती चोच पाकळ्यात वसलेले
पुष्पे पाहूनच येती पक्षी क्रीडा करण्याला
वैशाखत अग्निपुष्प भासतात जणू झाला ||4||
*
बहुगुणी वैद्यराज शेतकऱ्याचा हा मित्र
सर्वमान्य भोजनास होते मान्य याचे पात्र
चोची पक्षाच्या भासती रंग कुसुंबी फुलाला
वैशाखात अग्निपुष्प भासतात जणू ज्वाला ||5||
© सौ.रेणुका धनंजय मार्डीकर
औसा.
मोबा. नं. ८८५५९१७९१८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
श्री प्रमोद वामन वर्तक
चित्रकाव्य
☆ नावातच सगळं आहे ☆ श्री प्रमोद वामन वर्तक ☆
☆
टेंभा मिरवायला मराठीचा
आहे कार्यक्रमांचा सुकाळ,
पण समारंभाला नांव देतांना
पडे मराठी शब्दांचा दुष्काळ!
*
आंग्ल भाषेचा आधार घेतला
तरच म्हणे हल्ली मराठी कळतं,
मग अशा समारंभाना उगाच
मिरवणाऱ्यांच पाऊल वळतं!
*
जुने जाणते खरे अभ्यासक
वंचित राहतात अशावेळी,
प्रयोजकांपुढे आयोजकांची
बसते चांगलीच दातखिळी!
*
LIT FESTला मराठी प्रतिशब्द
शोधायला घ्या एखादी कॉन्टेस्ट,
जर नाहीच मिळाला कुठे तो
करा साजरी “अभिजात LIT FEST”
करा साजरी “अभिजात LIT FEST”
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
श्री आशिष बिवलकर
चित्रकाव्य
|| भुरळ… || श्री आशिष बिवलकर ☆
☆
शोधक या नजरेला,
तुझीच रे आस आहे |
क्षणोक्षणी आहे संगे,
त्याचा मज भास आहे |
*
मागे वळून पाहतांना,
स्वप्नांनी भरलेली वाट |
संपता संपत नाही रे,
आठवणींचा थयथयाट |
*
वावरले होती तुज संगे,
सोडून जगाची रे लाज |
रंगीत स्वप्नांची झालीत,
आसवे कशी रे आज |
*
काय सांगावे कोणास,
जडली होते रे वेडी प्रीत |
हरवलास सोडून वाटेवर,
विखुरले रे प्रणयाचे गीत |
*
काही केल्या उमजेना,
कशाची घातलीस रे भुरळ |
तू जरी नाही सोबतीला,
हृदयात तुझेच स्थान रे अढळ |
©️ वास्तवरंग
☆
(चित्र सौजन्य – श्री आशिष बिवलकर)
© श्री आशिष बिवलकर
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सौ. रेणुका धनंजय मार्डीकर
चित्रकाव्य
सुरंगीचा गंध वारा सौ.रेणुका धनंजय मार्डीकर ☆
(भावगीत – वर्ण संख्या 16 यती 8 व्या अक्षरावर)
☆
माझ्या मनात बसला तळ कोकण हा सारा
देवराईत सुटला सुरंगीचा गंध वारा ||ध्रु||
फांदी फांदीवर आली सोनपिवळी तकाकी
सर्प हिच्या संगतीत कोकणचा मेवा चाखी
वसंताच्या स्वागताला सारा फुलला नजारा
देवराईत सुटला सुरंगीचा गंध वारा ||1||
*
सुरंगीची पूजा बांधू आरवली वेतोबाला
वळेसार देखणासा सजवतो कुंतलाला
नाव सुरंगी बुरंगा चमचम जणू तारा
देवराईत सुटला सुरंगीचा गंध वारा ||2||
*
रवी तळपतो वर खाली सुगंध बहर
वसंताचं आगमन किती साजरं सुंदर
अत्तराची खाण आहे कोकणचा हा गाभारा
देवराईत सुटला सुरंगीचा गंध वारा ||3||
*
घमघम करणारे श्वेत पाकळ्यात तुरे
सुकलेल्या फुलाचाही गंध कुंतलात उरे
शब्दा शब्दात माळला किती नाजूक हा तारा
देवराईत सुटला सुरंगीचा गंध वारा ||4||
*
मला म्हणते सुरंगी माझ्यावर बोल काही
मधुमासी उमलून मी गं देते नवलाई
झरझर उतरला शब्द फुलांचा पिसारा
देवराईत सुटला सुरंगीचा गंध वारा ||5||
*
© सौ.रेणुका धनंजय मार्डीकर
औसा.
मोबा. नं. ८८५५९१७९१८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
श्री सुहास सोहोनी
चित्रकाव्य
– एकच इच्छा – ☆ श्री सुहास सोहोनी ☆
☆
भूतकाळ संपला, अजून
वर्तमान उभा आहे
आर्त भविष्याचं चित्र
डोळ्यांसमोर स्पष्ट आहे….
*
इच्छा एकच या जागेवर
एक झाड रुजून यावं
पानसळीच्या आडोशाला
चिऊताईचं घरटं व्हावं…
🌹
कवी : मेधानुज
प्रस्तुती : श्री सुहास सोहोनी
रत्नागिरी
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
श्री आशिष बिवलकर
चित्रकाव्य
|| संत उपदेश | बीज अध्यात्माचे || श्री आशिष बिवलकर ☆
☆
संत उपदेश | बीज अध्यात्माचे |
कल्याण जगाचे | निरंतर ||१||
*
एक एक शब्द | अर्थ त्याचा जाण |
सुवर्णाची खाण | हाती लागे ||२||
सोसूनिया कळा | जन्म देते माय |
दुधावरी साय | जैसी यावी ||३||
*
संताचे जीवन | जैसे मातेपरी |
निरपेक्ष सारी | अंगी सेवा ||४||
*
आंधळ्याच्या हाती | मार्ग दावी काठी |
तैसी जगजेठी | संतजन ||५||
*
संतांचीया देखी | रंक आणि राव |
नसे भेदभाव | अंतरीसी ||६||
*
आशिष वंदितो | संताचे वचन |
ज्ञानाचे लोचन | उद्धारासी ||७||
©️ वास्तवरंग
☆
(चित्र सौजन्य – श्री आशिष बिवलकर)
© श्री आशिष बिवलकर
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुश्री नीलांबरी शिर्के
चित्रकाव्य
दर्पण… सुश्री नीलांबरी शिर्के ☆
☆
सृष्टीस मोह झाला
प्रतिबिंब पाहण्याचा
कंठात हार घाली
पितस्वर्ण फुलांचा
*
पाण्यात पाहताना
प्रतिबिंब ती स्वतःचे
पाणीही जाहले स्तब्ध
दर्पण होई जलाचे
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
